國慶優惠│10‧1半價睇好戲 各院綫中午開始賣飛(即睇片單)
發布時間： 2024/09/25 00:55
最後更新： 2024/09/25 11:10
▲ 全港戲院推出「10.1半價睇好戲」國慶睇戲優惠。
「10.1半價睇好戲」為迎接10月1日國慶，全港戲院日半價睇戲國慶優惠，各院綫今日（25日，星期三）中午陸續開始售賣10月1日優惠門票。
其中MCL院綫在社交網站宣布，網上及手機應用程式每人限購10張戲票，戲院票房每人限購4張戲票；半價票價優惠只限10月1日當天上映之場次。長者首場優惠、小童、學生、長者票價均再有半價優惠；優惠亦包括任何放映格式電影及特色影院：3D、IMAX 、MX4D等等
英皇戲院亦在社交網站提醒市民，Mark定今日 (9月25日) 中午12點搶飛，並稱「網上買飛唔使手續費！」 又提提大家上午10點後網站將會非常繁忙，如果要買即日或其他日子戲飛，大家可以提前登陸網站或到票房購票～
百老匯院線亦預告今日中午12時開始預售「10.1半價睇好戲」半價戲票，而睇戲即送刮刮卡，有機會贏取免費戲票、爆谷及汽水等；票價適用於 IMAX/ 4DX/ CGS/ VIP 院。
「10.1 半價睇好戲」由香港戲院商會主辦，於10⽉1⽇國慶假期全⽇的所有場次，不論任何放映格式和映院的戲票均⼀律半價，屆時觀眾可以半價優惠購買戲票入場欣賞電影。觀眾除可享戲票半價優惠欣賞電影外，更可以參加「全城好戲 FUN ⼤抽獎」，有機會贏取超過 2,000 份豐富禮品。
觀眾凡購買10⽉1⽇戲票即可獲得刮刮卡1張，有機會贏取包括戲院⼩食部現⾦禮券、爆⾕和汽⽔等即時獎賞；抽中⼤獎的10位幸運兒更會獲得75張戲票禮券。
MCL半價電影包括大熊貓熱潮的《再．見熊貓福寶》，在戲院大銀幕揭開盛載住福寶1,354個日子的珍貴片段，率先睇超可愛大熊貓福寶同飼養員爺爺們道別的動人故事。
MCL「10.1半價睇好戲」詳情 -- 2024年9月25日 (星期三), 約中午12時起陸續開賣
當日入場觀眾更可以參加「全城好戲 FUN ⼤抽獎」 -- 有機會贏取超過 2,000 份豐富禮品，大獎有75張戲票禮券、二獎有10張戲票禮券、以及更多小食部禮券(刮出獎賞) ，即睇「全城好戲 FUN ⼤抽獎」活動詳情 。
MCL 10‧1半價睇好戲重點：
- 中午12時起陸續開始售票
- 網上及手機應用程式每人限購10張戲票
- 戲院票房每人限購4張戲票
- 當日入場觀眾仲可以參加「全城好戲 FUN ⼤抽獎」 -- 有機會贏取超過 2,000 份豐富禮品，大獎有75張戲票禮券、二獎有10張戲票禮券、仲有更多小食部禮券(刮出獎賞)
- 半價票價優惠只限10月1日當天上映之場次。
- 長者首場優惠、小童、學生、長者票價均再有半價優惠
- 優惠包括任何放映格式電影及特色影院：3D、IMAX 、MX4D等等
- 電影《再．見熊貓福寶》10月1日場次不設特典送贈
10‧1半價好戲片單
(MCL九龍區)：
(MCL港島區、新界及離島區)
(英皇戲院片單)
最新影片推介：余安安專訪
下載HKET App，追蹤TOPick WhatsApp頻道，睇全方位資訊：
